Advertisement 1
सुरक्षा सम्बादाता १ पुस २०८१ काठमाडौं; देशका विभिन्न स्थानमा लागूऔषधसहित तीनजनालाई प्रहरीले पक्राउ गरेको छ। रूपन्देहीको कञ्चन गाउँपालिका-२ बेहोरी बस्ने ३६ वर्षीय सुशील बोहोरा र २५ वर्षीय सुरेस थारूलाई ३ सय ९० मिलिग्राम लागूऔषध ब्राउनसुगरसहित आइतबार प्रहरीले पक्राउ गरेको छ। इलाका प्रहरी सालझण्डीबाट खटिएको प्रहरीले उनीहरूलाई उक्त पदार्थ सहित पक्राउ गरेको हो।
कैलालीको टीकापुर नगरपालिका-९ खक्रौलाबाट २ ग्राम १ सय ५० मिलिग्राम खैरो हेरोइनसहित नगरपालिका-१ दुर्गानगर बस्ने २१ वर्षीय सागर चौधरीलाई आइतबार प्रहरीले पक्राउ गरेको हो। 
Advertisement 2
प्रहरी चौकी कालाकुण्डा र इलाका प्रहरी कार्यालय टीकापुरबाट खटिएको प्रहरीले उनलाई पक्राउ गरेको हो। यस सम्बन्धमा प्रहरीले आवश्यक अनुसन्धान गरिरहेको छ।
प्रकाशित : १ महिना अगाडि
