Advertisement 1
सुरक्षा सम्बादाता १० पुस २०८१ काठमाडौं; सशस्त्र प्रहरी बल, नेपालका चार जिल्लाका एसपीहरू हेडक्वाटर तानिएका छन्। एसपीहरुलाई छानबिनका लागि हेडक्वाटर तानिएको हो।
तराईका चार फरक जिल्लाका एसपीहरूलाई सशस्त्र हेडक्वाटर हल्चोक तानेर छानबिन सुरु गरिएको जनाइएको छ।
सशस्त्र प्रहरी बलका प्रवक्ता एवं नायब महानिरीक्षक (डीआइजी) कुमार न्यौपानेका अनुसार छानबिनमा तानिनेहरूमा धनुषाका एसपी दर्शन गरी, मोरङका एसपी विश्व खड्का, बाराका एसपी सन्तोषबहादुर सिंह र बाँकेका एसपी विमल डाँगी छन्। उनीहरूमाथि केही बुझ्नुपर्ने भएकाले हेक्वाटर झिकाइएको डिआइजी न्यौपानेले बताए।
Advertisement 2
उनीहरूमाथि केही आर्थिक अनियमितता तथा राजश्व गडबडी गरेको भन्ने आरोप लागेको बताइएको छ। डीआइजी न्यौपानेका अनुसार उनीहरूमाथि छानबिन भइरहेको भन्दै अहिले ती जिल्लाको एसपीको रूपमा कसैलाई पनि पठाइएको छैन। छानबिनपछि निर्दोष देखिए उनीहरूलाई नै फिर्ता गरिने र दोषी देखिए कारबाही गरेर नयाँ एसपीहरू पठाउने हेडक्वाटरको तयारी छ।
