सुरक्षा सम्बादाता ११ पुस २०८१ कोहलपुर; एमालेका पूर्वउपाध्यक्ष भिम रावललाई संगठित सदस्यबाट हटाएभपछि पार्टीभित्रै व्यापक विरोध हुन थालेको छ । धेरैले सामाजिक सञ्जालमा ओली नेतृत्वको एमाले अब पतनको बाटोतर्फ गैरहेको बताएका छन । बुधबार बसेको सचिवालय बैठकले उनलाई संगठित सदस्यबाट हटाउने निर्णय गरेको हो । त्यस्तै बैठकले एमालेकी नेतृ बिन्दा पाण्डे र उषाकिरणलाई पनि ६ महिनाका लागि निलम्बित गरेको छ ।एमालेका पूर्वउपाध्यक्ष समेत रहेका रावललाई कात्तिक ६ गते स्पष्टीकरण सोधेको थियो । एमालेलाई व्यवसायी तथा समाजसेवी मीनबहादुर गुरुङले पार्टीका लागि जग्गा दान गरेको विषय र विभिन्न समयमा पार्टीविरुद्ध बोलेको भन्दै स्पष्टीकरण सोधेको थियो । सचिवालय बैठकले पार्टीलाई निरन्तर कमजोर बनाउने अभिव्यक्ति दिएको भन्दै उनलाई पार्टीबाट हटाएको हो ।