सुरक्षा सम्बादाता ११ फागुन २०८१ कोहलपुर – कोहलपुरमा जारी ७ औँ उपमेयर कप छात्रा क्रिकेट प्रतियोगिता–२०८१ को सेमिफाइनल प्रवेश गर्ने चार वटा विद्यालय रहेका छन् । पाँचौँ दिन आइतबार ज्ञानज्योति मावि,लक्ष्मी मावि र गोरखा युनाइटेड पब्लिक स्कुल सेमिफाइनल प्रवेश गरेका हुन् । ज्ञानज्योति माविले सगरमाथा ज्ञानकुञ्ज माविलाई ,लक्ष्मी माविले बागेश्वरीलाई र गोरखा युनाइटेड पब्लिक स्कुलले त्रिभुवन माविलाई हराएको हो ।
पाँचौ दिनको पहिलो खेल कोहलपुर स्थित प्रस्तावित अन्तर्राष्ट्रिय क्रिकेट मैदानमा जारी प्रतियोगितामा सगरमाथा ज्ञानकुञ्ज माविले टस जितेर पहिला बलिङ रोजेको थियो । ब्याटिङको निम्तो पाएको ज्ञानज्योति माविले निर्धारित १२ ओभरमा ४ विकेट गुमाउँदै ८४ रन बनाएको थियो । विद्यालयका लागि जयन्ती चन्दले सार्वधिक ४६ रन र आशा ओलीले ७ बनाएकी थिइन्।
ज्ञानज्योति माविले दिएको ८५ रनको लक्ष्य पछ्याउँदै सरमाथा ज्ञानकुञ्ज माविले निर्धातिर १२ ओभरमा ५ विकेट गुमाउँदै ७८ रहनमा समेटिएको हो । विद्यालयका लागि सुजता परियाले २० रन र जीवनीले १७ रन बनाएकी थिइन् । ज्ञानज्योति माविले दिएको लक्ष्य पुरा गर्न नसक्दा सगरमाथा ज्ञानकुञ्जले ६ रनले पराजित भएको हो ।
ज्ञानज्योति माविकी जयन्ती चन्दले २ विकेट र सार्बधिक ४६ रब बनाउँदै विद्यालयलाई विजयी बनाउन विशेष योदान दिएकी थिइन् । उक्त खेलको प्लेयर अफ द म्याच समेत चन्द बनेकी थिइन् ।
पाँचौ दिनको दोस्रो खेल बागेश्वरी मावि र लक्ष्मी मावि बीच भएको थियो । टस जितेर लक्ष्मी माविले बटिङ रोज्यो । लक्ष्मी माविले निर्धारित १५ ओभरमा ५ विकेट गुमाउँदै ७२ रनको लक्ष्य बागेश्वरी माविलाई दिएको थियो ।
लक्ष्मी माविले दिएको ७२ रनको लक्ष्य पछ्याउँदै बागेश्वरी माविले १४ ओभरमा अलआउट हुदै ६३ रन मात्रै बनाउन सक्यो । लक्ष्मी माविले ९ रनले हराउदै सेमिफाइनल प्रवेश गरेको हो । बागेश्वरी मावि कृतिमा चौधरीले ३ विकेट लिदै प्लेयर अm द म्याच बनेकी थिइन् ।
यस्तै तेस्रो खेलमा त्रिभुवन नमुना मावि र गोरखा युनाइटेड पब्लिक स्कुलबिच भएको थियो । त्रिभुवन नमुना माविले टस जितेर पहिले ब्याटिङ राजेको थियो । त्रिभुवन नमुना माविले ११.१ ओभरमा अलआउट हुदैँ गोरखालाई ४४ रनको झिनो लक्ष्य दिएको थियो ।
४४ नरको लक्ष्य पछ्याएको गोरखा युनाइटेड पब्लिक स्कुलले ५ ओभरमा ५ विकेट गुमाउँदै लक्ष्य पुरा गरेको हो । यो सँगै गोरखा सेमिफाइनल पुगेको छ । गोरखाकी प्रसन्न रेग्मीले ४ विकेट लिदै प्लेयर अफ द म्याच बनिन् ।
भोलि सेमिफाइनलमा चार वटा विद्यालयहरु खेल्ने छन् । पहिलो खेल बालशिक्षा मावि भरैया र गोरखा युनाइटेड पब्लिक स्कुल बीच हुने संयोजक विनय गिरीले बताए । उनका अनुसार दोस्रो खेल ज्ञानज्योति मावि र लक्ष्मी मावि बीच हुने जानकारी दिए । खेल २० ओभरको रहने उनको भनाइ छ ।