सुरक्षा सम्बादाता १२ फागुन २०८१ काठमाडौं । ठमेलमा ड्यूटीमा खटिएका प्रहरी कुट्ने एमाले निकट विद्यार्थी नेताहरू धरौटीमा रिहा भएका छन् ।काठमाडौं जिल्ला अदालतका न्यायाधीश हर्कबहादुर केसीको इजलासले नेकपा एमालेको विद्यार्थी संगठन अनेरास्ववियु स्थायी कमिटी सदस्य कमलराज जोशी सहित पाँचै जनालाई धरौटीमा छाड्न आदेश दिएको हो ।अदालले रमेश फुलारालाई १५ हजार रुपैयाँ धरौटीमा छाड्न मागेको थियो भने नेकपा एमालेको विद्यार्थी संगठन अनेरास्ववियु स्थायी कमिटी सदस्य जोशी, गोपालबहादुर शाही, नवीनसिंह ऐर, दिनेश सिग्देललाई भने जनही १०-१० हजार रुपैयाँ धरौटी मागेको थियो । अहिले सबै जना धरौटी बझाएर रिहा भएका छन् । उनीहरुले माघ २४ गते राति ठमेलमा मोटरसाइकलमा सवार प्रहरी हवल्दार जगुलाल चौधरी र जवान नगेन्द्रराज बिष्टको मोटरसाइकल लडाउँदै कुटपिट गरेका थिए ।