सुरक्षा सम्बादाता १३ फागुन २०८१ काठमाडौं । महाशिवरात्रि पर्वको अवसरमा पशुपतिनाथ क्षेत्रमा ८९० ट्राफिक प्रहरी खटिने भएका छन् ।महाशिवरात्रिमा पशुपतिनाथ क्षेत्रमा हुने भीडभाडलाई सुरक्षित एवं व्यवस्थित गर्न सशस्त्र प्रहरी, राष्ट्रिय अनुसन्धान विभाग र नेपाली सेनासमेत सुरक्षामा खटिने भएका हुन् ।पशुपति परिसरमा भीडभाड नियन्त्रण गर्न तथा भक्तजनलाई सजिलो गरी दर्शन गराउन सहयोग गर्न चार हजार स्वयम्सेवक खटिँदैछन् ।महाशिवरात्रि पर्वलाई सुरक्षित र भयरहित तरिकाले मनाउनको लागि तीन हजारभन्दा बढी प्रहरी परिचालन हुने बताइएको छ ।महाशिवरात्रिको ट्राफिक व्यवस्थापनका लागि काठमाडौं उपत्यका ट्राफिक प्रहरी कार्यालयले सुरक्षा योजना बनाएर लागू गरेको छ।