दिनेश राज न्यौपाने
१९ फागुन २०८१कोहलपुर ; बाँकेको कोहलपुर नगरपालिका स्थानीय सरकार प्रमुख र बाँके प्रमुख जिल्ला अधिकारीको गम्भीर टिकाटिप्पणी प्रती सरोकार राख्ने शैक्षिक पेशागत संगठहरु मौन बस्नु असान्दर्भिक भएको बताएका छन । नागरिक उन्मुक्ति पार्टी जिल्ला कार्यसमिति बाँकेका सचीव भुम बहादुर भण्डारी द्वारा हस्ताक्षरित एक विज्ञप्ति जारी गर्दै पार्टीले ध्यानाकर्षण भएको जनाएको छ। नागरिक उन्मुक्ति पार्टीले निकालेको प्रेस विज्ञप्ति यस्तो छ;
माध्यमिक शिक्षा तह परीक्षा (SEE) नजिकिंदै गर्दा बाँके जिल्लामा परीक्षा सञ्चालन र केन्द्र व्यवस्थापन सम्बन्धमा कोहलपुर नगरपालिकाका प्रमुख र प्रमुख जिल्ला अधिकारी बीच देखिएको आरोप-प्रत्यारोप, दोषारोपण तथा अमर्यादित टिकाटिप्पणी प्रति गम्भीर ध्यानाकर्षण भएको छ । सबैभन्दा दुःखद पक्ष भनेको शिक्षासँग प्रत्यक्ष सरोकार राख्ने पेसागत संघसंस्थाहरूको यस विषयमा देखिएको मौनता हो । साथै झण्डै तीन दिनसम्म जनताद्वारा निर्वाचित जनप्रतिनिधि र राज्यका प्रशासनिक निकायका प्रशासकहरू अनैतिक र अमर्यादित सन्देश प्रवाह गर्दै वकालत, स्पष्टीकरण दोषारोपणमा मात्रै संलग्न हुनु, जनतालाई भ्रमित तुल्याउने कार्य गर्नु तथा सत्यतथ्य अझै सार्वजनिक नगर्नु गम्भीर विषय हो । यसरी सार्वजनिक पदमा बसेका जिम्मेवार व्यक्तिहरूले विवादास्पद गतिविधिहरूमा संलग्न भएको देखिनु, पारदर्शिता कायम नगर्नु, सौदाबाजी र चलखेलको संकेत दिनुले शिक्षा क्षेत्रमा विकृती मात्रै नभई चलखेल भ्रष्टाचार अनियमितता छ भन्ने पुष्टि भएको छ जुन कार्य अत्यन्त निन्दनीय छ। यस घटनाले समग्र शिक्षा प्रणालीको विश्वसनीयता र निष्पक्षता माथि गम्भीर प्रश्न उठेको छ हजारौं विध्यार्थिको भविष्य अभिभावकको लगानीमा खेलवाड गरिएको कार्यको घोर आपत्ती व्यक्त गर्दछौ । यस किसिमका निन्दनीय अमर्यादित कार्यमा संलग्नको पहिचान गरि कडा कारबाहीको लागि नेपाल सरकार समक्ष जोडदार माग गर्दछौं ।
Advertisement 1
यसकारण हामी नेपाल सरकारसमक्ष जोडदार माग गर्दछौं कि :
क. यस घटनाको तत्काल निष्पक्ष र विस्तृत छानबिन गरियोस ।
Advertisement 2
ख. संलग्न व्यक्तिहरूलाई छानविनको दायरामा ल्याई कानूनी प्रक्रिया अघि बढाइयोस ।’
ग. आगामी दिनमा यस्ता अमर्यादित र अनैतिक क्रियाकलापहरू दोहोरिन नदिन आवश्यक कदम चालियोस ।
Advertisement 3
घ. शिक्षाका पेसागत संघसंस्थाहरूले आफ्नो भूमिका जिम्मेवारीपूर्वक निर्वाह गरी सत्यतथ्य सार्वजनिक गर्न दवाव सिर्जना गरोस ।
बहादुर भण्डारी सचीव
नागरिक उन्मुक्ति पार्टी जिल्ला कार्यसमिति, बाँके
