दिपक शाही २७ फागुन २०८१ काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले सत्ताको ड्राइभिङ सिटमै विचौलियाहरुको रजगज रहेको आरोप लगाएका छन् ।प्रतिनिधिसभा बैठकलाई सम्बोधन गर्ने क्रममा अध्यक्ष प्रचण्डले उक्त आरोप लगाएका हुन् । उनले पछिल्लो ८ महिनामा भएका सबै नीति, निर्णय र नियुक्तिमा विचौलियाको हस्तक्षेप भएको आरोप लगाए।उनले यो ८ महिनामा विचौलियाबिना भएको एउटै मात्रै उदाहरण दिन पनि आग्रह गरे।अध्यक्ष प्रचण्डले भने,‘म चुनौतीका साथ भन्न चाहन्छु, पछिल्ला ८ महिनामा एउटै नीति, निर्णय र नियुक्ति मलाई भनिदिनुस् जसका पछाडि विचौलिया छैन । जम्मा एउटा उदाहरण दिए पनि हुन्छ।’प्रचण्डले अहिलेको सत्ताको ड्राइभिङ सिटमै विचौलिया रहेको दाबी गरे।