१५ चैत २०८१ काठमाडौं – काठमाडौंको तीनकुनेमा राजावादी प्रदर्शन उग्र बनेपछि स्थिति तनावग्रस्त भएको छ। भीड नियन्त्रण गर्न प्रहरीले अश्रुग्यास प्रहार गरेको छ भने प्रदर्शनकारीले सुरक्षाकर्मीको बन्दुक खोस्ने प्रयास गरेका छन्।प्रदर्शनको केहीबेरमै तीनकुनेस्थित एक घरमा आगजनी भएको छ। आगो निभाउन पुगेको एम्बुलेन्समाथि समेत प्रदर्शनकारीले ढुंगामुढा गरेका छन्।

उपत्यका प्रहरी कार्यालय रानीपोखरीका एसएसपी शेखर खनालका अनुसार स्थिति नियन्त्रणमा लिन प्रयास भइरहेको छ। तीनकुने क्षेत्रमा अहिले पनि सुरक्षा व्यवस्था कडा पारिएको छ।