१५ चैत २०८१ काठमाडौं – काठमाडौंको तीनकुनेमा राजावादी प्रदर्शन उग्र बनेपछि स्थिति तनावग्रस्त भएको छ। भीड नियन्त्रण गर्न प्रहरीले अश्रुग्यास प्रहार गरेको छ भने प्रदर्शनकारीले सुरक्षाकर्मीको बन्दुक खोसेका छन्।त्यसैगरी, राजावादीको एक समूहले आलोकनगरस्थित नेकपा एकीकृत समाजवादी (एस) को पार्टी कार्यालयमा तोडफोड गरेको छ। प्रदर्शनकारीले कार्यालयमा पुगेर ढुंगामुढा गरेका हुन्।

उपत्यका प्रहरी कार्यालय रानीपोखरीका एसएसपी शेखर खनालका अनुसार स्थिति नियन्त्रणमा लिन प्रयास भइरहेको छ। सुरक्षा व्यवस्था कडा पारिएको छ।