२१ चैत २०८१ काठमाडौँ: सामाजिक  सञ्जालको दुरुपयोगको आरोपमा एकजना पक्राउ परेका छन् । प्रहरीको साइबर ब्युरोको टोलीले सिराहाको धनगढी नगरपालिका ७ गोलबजार स्थायी घर भएका २७ वर्षीय राम बिहारी साफीलाई बुधबार पक्राउ गरेको हो ।साफीले प्रेम सम्बन्ध बिग्रिएपछि सामाजिक सञ्जालमा केटी साथीका अन्तरङ्ग तस्बिर र भिडियो पोस्ट गरेको, पीडितका आफन्तलाई धम्क्याएको र मानसिक पीडा पुर्याएको आरोप लागेको छ। यस आधारमा पीडितले उजुरी दिएपछि प्रहरीले उनलाई पक्राउ गरेको हो।साफीलाई विद्युतीय कारोबार ऐन २०६३ अन्तर्गतको कसुरमा मुद्दा दर्ता गरिएको छ । जिल्ला अदालत काठमाडौँबाट चार दिनको म्याद थप अनुमति लिई प्रहरीले उनलाई अनुसन्धान गर्न थालेको छ ।