२०८१ कोहलपुर, २५ चैत – कोहलपुर नगरपालिका–८ स्थित झरकट्टी खेल मैदानमा शुक्रवारदेखि सुरु भएको नगर स्तरीय फुटबल प्रतियोगिता–२०८१ अन्तर्गत आजको खेलमा वडा नम्बर–४ र वडा नम्बर–२ को टिम विजयी भएका छन्।
Advertisement 1
आजको खेलमा वडा नम्बर–४ ले वडा नम्बर–६ लाई पेनाल्टी सुटआउटमा ३–२ गोलले हराएको छ। विहान ८ बजेबाट सुरु भएको खेलमा निर्धारित समयमा गोलरहित बराबरी रह्यो, त्यसपछि पेनाल्टी सुटआउटबाट वडा नम्बर–४ ले विजय हासिल गर्यो।
दोस्रो खेलमा, वडा नम्बर–२ ले वडा नम्बर–११ लाई ३–० गोलले हरायो। खेलको २९औं मिनेटमा विपिन सिजालीले पहिलो गोल गरेका थिए र ५७औं मिनेटमा पुनः अर्को गोल गरे। त्यसपछि, ६१औं मिनेटमा विनोद शाहीलले तेस्रो गोल गरेर वडा नम्बर–२ को जित सुनिश्चित गरे।
Advertisement 2
वडा नम्बर–११ को टिमले थुप्रै अवसर पाएपनि गोल गर्न असफल भयो, र प्रतियोगिता कोहलपुर नगरको फुटबल प्रेमीहरूको लागि निकै प्रतिस्पर्धात्मक बन्यो।
