२०८१ चैत २७, कोहलपुर (बाँके)।
कोहलपुर नगरस्तरीय युवा क्लब सञ्जालको आयोजना र इलाका प्रहरी कार्यालय कोहलपुर को सहयोगमा लागू औषध सम्बन्धी दुई दिने अभिमुखीकरण कार्यक्रम आज सम्पन्न भएको छ। मिति २०८१ साल चैत्र २७ गते सम्पन्न उक्त कार्यक्रममा कोहलपुर क्षेत्रका ३० जना किशोर–किशोरीहरुको सक्रिय सहभागिता रहेको थियो।कार्यक्रममा इलाका प्रहरी कार्यालय, कोहलपुरका प्रहरी निरीक्षक हरि भट्टराईले सहभागी युवाहरुलाई लागू औषधसम्बन्धी विद्यमान ऐन, कानुन र दण्ड सजायका प्रावधानहरूबारे जानकारीमूलक प्रशिक्षण दिएका थिए।कार्यक्रमको उद्देश्य युवाहरुलाई लागू औषधको दुष्प्रभाव, यसको प्रयोगले पार्ने व्यक्तिगत तथा सामाजिक असर, र कानुनी पक्षबारे सचेत गराउनु रहेको आयोजकले जनाएका छन्।

यो कार्यक्रमले लागू औषध विरुद्धको सचेतना फैलाउने विश्वास लिइएको छ।