सुरक्षा सम्बादाता ०९ मङ्सिर २०८१ काठमाडौं । पूर्वमन्त्री पदम राई (विकास) को निधन भएको छ ।

लामो समयदेखि पार्किन्सनबाट थलिएका माओवादी केन्द्रका केन्द्रीय समेत रहेका पूर्वमन्त्री राईको शनिवार उपचारका क्रममा वीर अस्पतालमा निधन भएको हो ।

२०६४ सालमा भोजपुर १ बाट निर्वाचित उनी पूर्वअन्तरिम व्यवस्थापिकाका विधायक तथा भौतिक योजना राज्य मन्त्री हुन् । प्रचण्डले उनीप्रति श्रद्धाञ्जली व्यक्त गरेका छन् ।

Advertisement 2

Advertisement 3

को हुन् विकास ?

भोजपुर षडानन्द नगरपालिका बोयाका पदम २०४२/४३ देखि नै अखिल छैटौं (मोटो मसाल) बाट राजनीतिमा आएका थिए । भोजपुरमा माओवादी आन्दोलनको बिजारोपणमा भूमिका खेलेका उनीलगायतका टीमको प्रभावमा तत्कालीन बोया गाविस- ८ बेखुम्चामा संयुक्त जनमोर्चाले वडाध्यक्ष जितेको थियो । युद्ध सुरू हुनुअघि देखि नै उनी माओवादीमा संगठित थिए ।

विकासले युद्धकालमा सुनसरी जिल्ला सेक्रेटरी, भोजपुर(खोटाङ सेक्रेटरीको जिम्मेवारी सम्हाले । उनी भोजपुर, खोटाङलगायतका पूर्वी पहाडी जिल्लामा शालिन र लोकप्रिय नेताका रूपमा परिचित थिए । पहिलो संविधानसभा निर्वाचनमा भोजपुर-१ बाट प्रत्यक्ष चुनाव जितेका राई भौतिक योजना तथा निर्माण राज्यमन्त्रीसमेत बनेका थिए । राई अन्तरिम विधायिका पनि बनेका थिए ।

राई एकीकृत नेकपा माओवादी विभाजनपछि मोहन वैद्यतिर लागे । वैद्यको पार्टी फुटेपछि उनले नेत्रविक्रम चन्द ुविप्लवु साथ दिएका थिए ।

विप्लव समूहमा पोलिटव्युरो सदस्य रहँदा उनलाई सरकारसँग वार्ता जारी रहेको अन्तर्वार्ता दिएर पार्टी नीतिविपरीत बोलेको भन्दै निलम्बन गरियो । त्यसपछि उनी तत्कालीन नेकपा प्रवेश गरेका थिए ।