२०८२ बैशाख ०३ काठमाडौं । त्रिभुवन अन्तर्राष्ट्रिय विमानस्थलमा नेपाल फर्किएका एक पुरुषलाई लछारपछार गरी दुर्व्यवहार गरेको आरोपमा तीन जना प्रहरीलाई जिम्मेवारीबाट हटाइएको छ।

विमानस्थलमा कार्यरत ती तीन प्रहरीलाई हटाएर काठमाडौं उपत्यका प्रहरी कार्यालयमा झिकाइएको उपत्यका प्रहरी कार्यालयका एसएसपी शेखर खनालले जानकारी दिए। उनका अनुसार, तीनै जनाको जिम्मेवारी खोसिएको छ र घटनाबारे आवश्यक छानबिन तथा अनुसन्धान भइरहेको छ।

युएईबाट नेपाल फर्किएका मोरङका सञ्जय ओझामाथि त्रिभुवन विमानस्थलमा प्रहरीद्वारा दुर्व्यवहार गरिएको भिडियो सामाजिक सञ्जालमा सार्वजनिक भएपछि उक्त घटना प्रकाशमा आएको हो।