सुरक्षा संवाददाता
१० सोमबार २०८१ राजापुर ; बर्दिया जिल्लाको राजापुर नगरपालिका -८ स्थित हुलाकी सडकमा यात्रुवाहक भ्यानले आइतबार ठक्कर दिँदा एकजनाको ज्यान गएपछि स्थानीयले सडक अबरुद्ध गराएका छन् ।  हुलाकी सडकमा चल्दै आएको लु २ ख ५९१९ नम्बरको फोर्स गाडीले भे ४ प ७८३ नम्बरको मोटरसाइकललाई ठक्कर दिदा मोटरसाइकल चलाकको ज्यान गएको प्रहरीले जनाएको छ ।

फोर्स गाडीको ठक्करबाट मोटरसाइकल चालक राजापुर नगरपालिका -८ का ५४ वर्षीय चेतुका थारुको ज्यान गएको जिल्ला प्रहरी कार्यालय बर्दियाका प्रहरी उपरीक्षक केदार खनालले बताउनु भएको छ ।

गाडीका चालक बाँके नेपालगन्ज उपमहानगरपालिका -४ का विकास सिंह ठकुरीलाई प्रहरीले नियन्त्रणमा लिएको जनाएको छ । मृतकका आफन्त र स्थानीयले न्याएको माग गर्दै सोमबार बिहान ७ बजेदेखि सडक जाम गराएपछि यात्रुहरूलाई आवतजावतमा समस्या भएको छ ।