दैलेख । दैलेखको भैरवी गाउँपालिकाकी अध्यक्ष रिता कुमारी शाहीलाई बैंकिङ कसुरको आरोपमा प्रहरीले पक्राउ गरेको छ।
जिल्ला प्रहरी कार्यालय दैलेखका अनुसार शाहीलाई शुक्रबार नियन्त्रणमा लिइएको हो। उनीविरुद्ध ५ लाख ३५ हजार रुपैयाँ बराबरको चेक बाउन्स भएको उजुरीपछि बैंकिङ कसुर मुद्दा दर्ता गरिएको प्रहरीले जनाएको छ।
प्रहरीका अनुसार हाल उनलाई पाँच दिनको म्याद थप गरी थप अनुसन्धान भइरहेको छ।
शाही २०७९ सालको स्थानीय तह निर्वाचनमा नेपाली कांग्रेसबाट भैरवी गाउँपालिकाको अध्यक्षमा निर्वाचित भएकी थिइन्।
