सुरक्षा सम्बादाता ०६ पुस २०८१ धनगढी; कैलालीमा थुनुवालाई प्रहरी हिरासतबाट छुटाइदिने भन्दै रकम असुली गर्ने तीन जनालाई प्रहरीले पक्राउ गरेको छ।
Advertisement 1
लागुऔषध मुद्दामा पक्राउ परेका एक जना थुनुवालाई थुनामुक्त गरिदिने भन्दै परिवारबाट रकम असुल्ने तीन जना पक्राउ परेका छन् ।
Advertisement 2
पक्राउ पर्नेमा गौरीगंगा नगरपालिका–७ बस्ने २९ वर्षीय रुपक साउद, २२ वर्षीय रमेश साउद र १९ वर्षीय हर्क साउद रहेका छन् ।
Advertisement 3
उनीहरुले थुनामुक्त गरिदिने भन्दै लिएको साढे ३९ हजार भारतीय रुपैयाँ समेत बरामद गरिएको छ । त्यो बाहेकको थप रकम थुनुवालाई छुटाएपछि लिने भनी मोलमोलाई गरिएको थियो ।
उनीहरुले थुनुवाका परिवारलाई विश्वासमा पार्न उद्देश्यले किर्ते कागजपत्र बनाएर नेपाली कागजमा अदालतको आदेश समेत लेखेर देखाएका थिए ।
उनीहरूलाई थुनामुक्त गरिदिन भन्दै लेखिएको अदालतको भनिएको आदेशमा जिल्ला प्रहरी कार्यालय कैलालीको लोगो र नाम राखेका थिए ।
