Advertisement 1
सुरक्षा सम्बादाता ०६ पुस २०८१ काठमाडौं; प्रधानसेनापति अशोकराज सिग्देलले पूर्वी पृतना हेडक्वार्टर तथा अन्तर्गतका युनिटहरुको निरीक्षण भ्रमण गरेका छन् ।
Advertisement 2
दुईदिने भ्रमणको क्रममा उनले धनकुटास्थित श्री भीमदल गण, झापास्थित श्री अरिदमन गण, पाँचथरस्थित श्री रणशेर गण र ओखलढुङ्गास्थित श्री दुर्गाबक्स गणको निरीक्षण गरेका हुन् ।
निरीक्षण भ्रमणका क्रममा प्रधानसेनापति सिग्देलले उक्त पृतना हेडक्वार्टर तथा अन्तर्गतका युनिटहरूको जिम्मेवारी क्षेत्रको वस्तुस्थितिबारे जानकारी लिई आवश्यक निर्देशन दिएको नेपाली सेनाको जनसम्पर्क तथा सूचना निर्देशनालयले जनाएको छ ।
Advertisement 3
निर्देशनालयका अनुसार निरीक्षण भ्रमणका क्रममा प्रधानसेनापति सिग्देलले श्री नं. १८ बाहिनी अड्डा तथा अन्तर्गतका फौजहरु सम्मिलित भई उदयपुरस्थित त्रियुगा इलाकामा सञ्चालन भइरहेको सामूहिक तालिमको निरीक्षण गरेका थिए । निरीक्षणकै दौरान उनले सामूहिक तालिमको विविध पक्षहरुका बारेमा जानकारी लिएका थिए।
हाल नेपाली सेनाका युनिटहरुको आआफ्नो जिम्मेवारी इलाकाहरुमा सामूहिक तालिम सञ्चालन भइरहेको निर्देशनालयले जनाएको छ ।
