दिनेश राज न्यौपाने
०५ फागुन २०८१ कोहलपुर ; ७औंं कोहलपुर उप- मेयर कप छात्रा क्रीकेट प्रतियोगिता -२०८१ आगामी फागुन ७ गतेबाट सुरु हुने भएको हो। सोमबार पत्रकार सम्मेलन गर्दै कोहलपुर नगरपालिकाको आयोजना र कोहलपुर नगर खेलकुद विकास समितिको संचालन तथा ब्यवस्थापनमा हुने प्रतियोगितामा कोहलपुर नगरपालिका क्षेत्र भित्रका सामुदायिक र संस्थापक विध्यालयहरुको सहभागिता रहने आयोजकले जनाएको छ। आगामी फागुन सात गतेदेखि सुरुहुने प्रतियोगितामा उन्नाइस बर्ष ननाघेका छात्रा खेलाडीहरुको सहभागिता रहने जनाएको छ। प्रतियोगितामा सहभागी मध्य प्रथम हुनेले पैंतीस हजार र पच्चीस हजार बराबरको एउटा क्रीकेट कीट प्राप्त गर्ने छन भने दोर्सो हुनेले बीस हजार सहित पन्ध्र हजार बराबरको क्रीकेट कीट प्राप्त गर्ने छ्न । त्यस्तै प्लेयर अफ द सेरिज हुनेले सात हजार पाँच सय ,बेस्ट बेटरले पाँच हजार ,बेस्ट बलरले पाँच हजार सहित एक जोड क्रीकेट सुज र प्रोमिजिङ साथै इमर्जिङ प्लेयरले एक जोड क्रीकेट सुज प्राप्त गर्ने आयोजकले जनाएको छ। पत्रकार सम्मेलनमा कोहलपुर नगर खेलकुद विकास समितिका संयोजक चक्र क्षेत्रीको सभापतित्व र कोहलपुर नगरपालिका उप प्रमुख संगीता सुवेदीको प्रमुख आथित्यतामा सम्पन्न भएको थियो ।