सुरक्षा सम्बादाता ०६ फागुन २०८१ काठमाडौँ । नयाँ बानेश्वरस्थित संघीय संसद् भवन अगाडि सिलिण्डर बम राखेर फरार भएका भरत कुमार राईलाई प्रहरीले पक्राउ गरेको छ । नेकपा (विद्रोही) समूहको सदस्य हुँ भनेर चन्दा उठाउँदै गरेको अवस्थामा उनी बानेश्वरस्थित पञ्चकुमारी मार्गबाट पक्राउ परेका हुन् ।

२०७९ जेठमा उनले संसद् भवन अगाडि सिलिन्डर बम राखेर फरार भएको अनुसन्धानबाट थाहा भएको छ । उनलाई पक्राउ गरेर प्रहरी वृत्त नयाँ बानेश्वरले अनुसन्धान गरिरहेको जिल्ला प्रहरी परिसर काठमाडौँका एसपी अपिलराज बोहराले सुरक्षा राष्ट्रिय दैनिकलाई बताए ।