दिनेश राज न्यौपाने
०७ फागुन २०८१ नेपालगन्ज ; लागु औषध ब्राउन सुगर सहित एक जना भारतीय नागरिकलाई बाँके प्रहरीले पक्राउ गरेको छ। बाँके जिल्ला नेपालगन्ज उप-महानगरपालिका वडा नं. २१ पुरैनामा बेलुका अं.१६:०५ बजेको समयमालागु औषध ब्राउन सुगरको कारोबार हुँदै छ भन्ने गोप्य सुचनाको आधारमा लागु औषध नियन्त्रण व्युरो कोटेश्वर काठमाण्डौ र वडा प्रहरी कार्यालय नेपालगन्जको संयुक्त टोलीले चेकजाँच गर्दा रंगेहात पक्राउ गरेको छ। पक्राउ पर्नेमा भारत उत्तर प्रदेश बहराइच जिल्ला बस्ने वर्ष ३१ को विशाल अहमदलाई ३५१ ग्राम लागु औषध ब्राउन सुगर सहित फेला पारी निजको मोबाइल थान २ र UP 32 MS 2618 नं. को मोटर सहित पक्राउ गरी दाखिला गरेकोमा थप अनुसन्धान भइरहेको जिल्ला प्रहरी कार्यालय बाँकेका सूचना अधिकारी एवं प्रवक्ता प्रहरी नायव उपरीक्षक लिलाराज लामिछानेले जानकारी दिनुभएको छ।