सुरक्षा सम्बादाता १५ फागुन २०८१ काठमाडौं । नेकपा माओवादी केन्द्रको तराई मधेश जागरण अभियानमा नेपाल समाजवादी पार्टीका केन्द्रीय अध्यक्ष महेन्द्रराय यादव पनि मिसिएका छन् ।
झापाबाट माओवादीले सुरू गरेको अभियानमा माओवादीका अध्यक्ष पुष्पकमल दाहाल ‘प्रचण्ड’ सहित पार्टीका उपमहासचिव तहका नेताहरु सहभागी छन् ।
तर, बाबुराम भट्टराई नेतृत्वको नेसपाबाट अलग समूह चलाउँदै आएका यादव पनि आज सुनसरीका विभिन्न कार्यक्रममा सहभागी भएका छन् । उनी सदनमा माओवादीकै सांसदको रूपमा उपस्थित हुँदै आएका छन् ।
बाबुरामले माओवादीसँग एकता गर्न नचाहेपछि यादव पक्षका नेताहरू माओवादीसँग एकता गर्ने निर्णय गरेर अलग भएका थिए । यद्यपि, अहिलेसम्म एकताबारे चर्चा भइरहेपनि ठोस निर्णय भएको छैन । उनले माओवादीले मात्रै अहिलेको व्यवस्थाको रक्षा गर्ने जिकिर गर्दै चाँडै एकता हुने बताए ।
प्रकाशित : २ महिना अगाडि
