दिनेश राज न्यौपाने
१८ फागुन २०८१ नेपालगन्ज ; बाँके प्रहरीले शनिबार बाँकेको नेपालगन्ज बाट ५००० ट्याबलेट लागु औषध ट्रामाडोल सहित तिन जना व्यक्तिहरु पक्राउ गरेको छ।
बाँके जिल्लाको नेपालगंज उ.म.न.पा.१६ भन्सार चोक स्थित इ.प्र.का. जयसपुर बाँकेबाट खटिएको प्रहरी टोलीले भारतबाट नेपाल तर्फ आउदै गरेको मोटरसाइकलमा संका लागि चेकजाँच फेलापरेको प्रहरीले जनाएको छ। जिल्लाको नेपालगंज उ.म.न.पा.१६ बस्ने बर्ष २४ को नफिस अहमद कबडियाले चलाएको UP 40R7145 नंम्बरको मोटरसाईकलमा सवार देश भारत कलकत्ता घर भई हाल जिल्ला बाँके नेपालगंज उ.म.न.पा.१० ट्राफिक चोक बस्ने बर्ष ३८ को जियाउल शेष र सवार देश भारत जगोर घर भई जिल्ला बाँके नेपालगंज उ.म.न.पा.१० ट्राफिक चोक बस्ने बर्ष १८ को सद्दाम सैयाद समेतलाई शंका लागी चेकजाँच गर्दा निज तिनै जनाको साथबाट प्रतिबन्धित लागू औषध ट्रामाडोल ५०० पत्ता (५००० ट्याब्लेट) फेला पारी नियन्त्रणमा लिई थप अनुसन्धान एवं कारवाही प्रक्रिया अगाडी बढाईएको जिल्ला प्रहरी कार्यालय बाँकेका सूचना अधिकारी एवम् प्रवक्ता प्रहरी नायब उपरीक्षक दिपक पातलिले जानकारी दिनुभएको छ।