२० फागुन २०८१ काठमाडौं । नेपाल प्रहरीको जनपद समूहतर्फ ११९ निरीक्षक (इन्स्पेक्टर) का निम्ति भएको परीक्षाको नतिजा प्रकाशित भएको छ ।लोकसेवा आयोगले पुस १०, ११ र १२ गते सञ्चालन गरेको लिखित परीक्षाका आधारमा उक्त नतिजा प्रकाशित भएको हो । लिखित परीक्षापूर्व नेपाल प्रहरीको मापदण्डअनुसारका शारीरिक तन्दुरुस्ती, आधारभूत स्वास्थ्य परीक्षणलगायतका कार्यमा उत्तीर्ण उम्मेदवार उक्त परीक्षा सामेल थिए ।नतिजामा प्रहरी सेवाका विभिन्न दर्जामा भर्ना भई निरीक्षक छनोटका लागि प्रतिस्पर्धा गर्नेसहित प्रहरी सेवामा नयाँ भर्नाका निम्ति सामेल भएका व्यक्ति उत्तीर्ण भएका छन् ।