दिपक शाही ०२ चैत २०८१ रौतहट; रौतहट प्रहरीले भारत निकासी हुन लागेका अवैध सामान बरामद गरेको छ। शनिबार गोप्य सूचनाका आधारमा ईशनाथ नगरपालिका ५, जयनगरस्थित सीमा क्षेत्रबाट प्रहरीले अवैध रूपमा चोरी निकासी गरी भारततर्फ लैजाँदै गरेको अवस्थामा बरामद गरेको हो। प्रहरीले १८ हजार दुई सय रुपैयाँबराबरको अवैध रक्सी बरामद गरेको हो।

उक्त सामानसहित भारतको पूर्वी चम्पारण भसेडवा वडा नं. १९ बस्ने २० वर्षीय सन्तोष यादवलाई नियन्त्रणमा लिई आवश्यक कारबाहीको लागि गौर भन्सार कार्यालयमा बुझाइएको प्रहरीले जनाएको छ।