२०८२ दाङ, असार ५ – जिल्ला ट्राफिक प्रहरी कार्यालय दाङको सहकार्यमा ट्राफिक प्रहरी कार्यालय तुलसीपुरले “सुरक्षित यात्राका लागि स्मरण” कार्यक्रम सम्पन्न गरेको छ।

तुलसीपुर उपमहानगरपालिका–५ स्थित बसपार्क क्षेत्रमा सम्पन्न उक्त कार्यक्रममा दाङ जिल्लाका पहाडी भेगमा सञ्चालन हुने सवारीसाधनका चालक र सहचालक गरी ५० जनाको सहभागिता रहेको थियो।

कार्यक्रममा बाढी, पहिरो लगायतका प्राकृतिक विपद्का जोखिमलाई मध्यनजर गर्दै ट्राफिक नियम, दुर्घटना न्यूनीकरण र ट्राफिक व्यवस्थापन सम्बन्धी जानकारी प्रदान गरिएको थियो।

Advertisement 2

प्रहरीको भनाइअनुसार वर्षायाममा पहाडी क्षेत्रमा दुर्घटनाको जोखिम बढी हुने भएकाले समयमै सजगता अपनाउन यस्तो कार्यक्रम आयोजना गरिएको हो। सहभागी चालकहरूले कार्यक्रम उपयोगी भएको बताउँदै ट्राफिक नियमको पालना गर्ने प्रतिबद्धता जनाएका छन्।

ट्राफिक प्रहरी कार्यालयका अनुसार आगामी दिनमा पनि यस्ता सचेतनामूलक कार्यक्रमलाई अन्य क्षेत्रसम्म विस्तार गरिनेछ।