Advertisement 1
सुरक्षा सम्बादाता १९ मङ्सिर २०८१ धादिङ । धादिङको त्रिपुरासुन्दरी गाउँपालिकाले आज बुधबार सार्वजनिक बिदा दिएको छ । पालिकाले एक सूचना जारी गर्दै पालिकाको आस्थाको केन्द्र त्रिपुरासुन्दरी माई (न्वागी) मेलाको अवसरमा आज सार्वजनिक बिदा दिने निर्णय गरेको जानकारी गरेको छ ।
Advertisement 2
त्रिपुरासुन्दरी माई (न्वागी) मेला पहाडी भेगमा ठूलो मेलाको रूपमा लिइन्छ । यो मेलामा घरमा भएकी देवीलाई माइती मन्दिरमा न्वागी खुवाउन ल्याउने चलन अनुरूप गाउँको मन्दिरमा रातभर पूजापाठ गरी बिहान बाजा गाजा र हतियार सहित बेंसी मन्दिरमा झार्ने चलन छ ।
मेला भर्न विभिन्न जिल्लाबाट हजारौं भक्तजन आउने गर्दछन् । मेलाको अवसर पारी विभिन्न किसिमका खेलकुद प्रतियोगिता र सांस्कृतिक कार्यक्रम समेत आयोजना हुने गरेको हो।
प्रकाशित : ५ महिना अगाडि
