मोरङ — मोरङको धनपालथान गाउँपालिका–१ स्थित गदिया खोलाको किनारमा ठूलो मात्रामा अवैध गाँजा फेला परेको छ। इलाका प्रहरी कार्यालय रंगेलीले बिहीबार बिहान ३२३ किलो गाँजा बरामद गरेको जानकारी दिएको छ।
प्रहरीका अनुसार गाँजा १० वटा बोरामा प्याक गरिएको अवस्थामा फेला परेको हो। खोलाको किनारमा वेवारिसे रूपमा छाडिएको ती बोरामा गाँजा राखिएको थियो।
गाँजा बरामद गर्ने क्रममा सशस्त्र प्रहरी बलको पनि सहयोग लिइएको थियो। हाल बरामद गरिएको गाँजा इलाका प्रहरी कार्यालय रंगेलीमा सुरक्षित रूपमा राखिएको छ।
यस घटनासम्बन्धी थप अनुसन्धान भइरहेको प्रहरीले जनाएको छ।
