धरान — सुनसरी सदरमुकाम इनरुवाबाट प्रहरीले ब्राउन सुगरसहित चार जनालाई पक्राउ गरेको छ।
शनिबार राति जिल्ला प्रहरी कार्यालय सुनसरीबाट खटिएको टोलीले उनीहरूलाई नियन्त्रणमा लिएको जिल्ला प्रहरी कार्यालय सुनसरीका डीएसपी योगराज खतिवडाले जानकारी दिए।
पक्राउ पर्नेमा मोरङको सुन्दरहरैचा नगरपालिका–६ का रोशन खड्का र लालबहादुर बिक, धादिङको थाक्रे गाउँपालिका–१० का कुमार बिडारी तथा दोलखाको मेलुङ गाउँपालिका–२ का राम आछामे रहेका छन्।
उनीहरूको साथबाट १४.३५ ग्राम ब्राउन सुगर बरामद गरिएको प्रहरीले जनाएको छ।
पक्राउ परेका चारै जनालाई जिल्ला प्रहरी कार्यालय सुनसरीमा ल्याई थप अनुसन्धान भइरहेको छ।
