सुर्खेत । Surkhet Model College ले कक्षा–१२ उत्तीर्ण विद्यार्थीहरूको सम्मान तथा बधाई कार्यक्रम भव्य रूपमा सम्पन्न गरेको छ।
कार्यक्रममा उत्कृष्ट नतिजा हासिल गर्ने विद्यार्थीहरूको मेहनत, लगनशीलता र सफलताको कदर गर्दै सम्मान गरिएको कलेजले जनाएको छ। शैक्षिक उत्कृष्टतालाई थप प्रोत्साहन गर्ने उद्देश्यले GPA ३.९० वा सोभन्दा माथि प्राप्त गर्ने विद्यार्थीलाई जनही ५० हजार रुपैयाँ नगद पुरस्कार प्रदान गरिएको छ।
कलेजका अनुसार यस्तो सम्मानले विद्यार्थीहरूमा आत्मविश्वास, उत्साह र स्वस्थ प्रतिस्पर्धात्मक भावना विकास गर्न महत्वपूर्ण भूमिका खेल्ने विश्वास गरिएको छ। कार्यक्रममा विद्यार्थी, अभिभावक तथा कलेज परिवारको उल्लेखनीय सहभागिता रहेको थियो।
गुणस्तरीय शिक्षा र उत्कृष्ट नतिजालाई प्राथमिकतामा राख्दै आएको सुर्खेत मोडेल कलेजले विद्यार्थीको उपलब्धिलाई सम्मान गर्ने परम्परालाई निरन्तरता दिएको जनाएको छ। कलेजको यो पहललाई शैक्षिक क्षेत्रमा प्रेरणादायी तथा उदाहरणीय कदमका रूपमा हेरिएको छ।