काठमाडौं । नेपाल प्रहरीका ३५ जना प्रहरी नायव निरीक्षक (सई) लाई वरिष्ठ नायव निरीक्षक (वरिष्ठ सई) पदमा बढुवा गर्न सिफारिस गरिएको छ।
शुक्रबार बसेको बढुवा समितिको बैठकले जनपद प्रहरी समूहतर्फ कार्यरत ३५ जना सईलाई वरिष्ठ सईमा बढुवा गर्न सिफारिस गरेको हो।
प्रहरी प्रधान कार्यालयका अनुसार प्रहरी नियमावली, २०७१ को नियम २७ को उपनियम (४) बमोजिम बढुवा सिफारिस सूची सार्वजनिक गरिएको हो।
सार्वजनिक सूचीअनुसार धिरेन्द्र थपलिया बढुवा सिफारिसको पहिलो नम्बरमा रहेका छन् भने राजु बाबु यादव अन्तिम नम्बरमा परेका छन्।
प्रहरी प्रधान कार्यालयले बढुवा सम्बन्धी सिफारिस सूची सबैको जानकारीका लागि प्रकाशित गरिएको जनाएको छ।
