बाँके — बाँके, नेपालगञ्ज उपमहानगरपालिका–१४ उदयपुर निवासी २८ वर्षीय रमेश लोनियालाई प्रहरीले अवैध लागूऔषध ब्राउनसुगर जस्तो देखिने १५ ग्राम ५ सय मिलिग्रामसहित पक्राउ गरेको छ।
जिल्ला प्रहरी कार्यालय बाँके र लागूऔषध नियन्त्रण ब्यूरो शाखा कार्यालय नेपालगञ्जबाट खटिएको टोलीले मंगलबार राति लोनीयाको घर तलासी गर्दा उक्त पदार्थसहित नेपाली र भारतीय मुद्रा गरी नगद रु. २२ लाख ३ हजार ९ सय १५, सुन–चाँदीका गरगहना, पाँच थान खुकुरी, दुई थान मोटरसाइकल, १० थान मोबाइल फोन लगायतका सामग्री बरामद गरेको प्रहरीले जनाएको छ।
घटनामा संलग्न रहेको आशंकामा थप ४ जनालाई समेत अनुसन्धानका लागि नियन्त्रणमा लिइएको छ।
प्रहरीका अनुसार बरामद भएको लागूऔषध र सम्पूर्ण सामग्री माथि अनुसन्धान भैरहेको जनाएको छ।
