कैलाली — कैलालीको जानकी गाउँपालिका–१ सुवर्णपुरबाट तीन जना लागूऔषधसहित प्रहरीले पक्राउ गरेको छ।
पक्राउ पर्नेमा स्थानीय ४५ वर्षीय अमित शाह, ४४ वर्षीय नारायण शाह र २२ वर्षीय आशिष शाह रहेका छन्। उनीहरूलाई इलाका प्रहरी कार्यालय टीकापुरबाट खटिएको टोलीले बिहीबार नियन्त्रणमा लिएको जिल्ला प्रहरी कार्यालय कैलालीले जनाएको छ।
प्रहरीका अनुसार उनीहरूको साथबाट करिब ४ सय मिलिग्राम खैरो हेरोइन बरामद गरिएको छ। पक्राउ परेकामाथि थप अनुसन्धान भइरहेको प्रहरीले जनाएको छ।
