Friday, November 20, 2026

काठमाडौं । प्रहरी महानिरीक्षक डा. मनोज कुमार के.सी.ज्यूको प्रमुख आतिथ्यमा “आधारभूत तहका प्रहरी कर्मचारीका लागि केन्द्रीय गुनासो व्यवस्थापन डेस्क” (Basic Police Personnel Central Grievance Handling Desk) को समुद्घाटन सम्पन्न भएको छ।
समुद्घाटनको अवसरमा प्रहरी महानिरीक्षकज्यूले नेपाल प्रहरीको CUG सेवामा आबद्ध आधारभूत तहका प्रहरी कार्यालय सहयोगीदेखि प्रहरी वरिष्ठ हवल्दारसम्मका ५४ हजार १ सय २२ जना प्रहरी कर्मचारीहरूको मोबाइलमा एकैसाथ गुनासो दर्ताका लागि Google Form Link पठाउनुभएको थियो। साथै, एक जना प्रहरी कर्मचारीसँग टेलिफोनमार्फत प्रत्यक्ष संवाद गरी उहाँको गुनासो सुन्नुभई डेस्कको औपचारिक शुभारम्भ गर्नुभएको थियो।
प्रहरी नियमावली, २०७१ को नियम १९६ बमोजिम कार्यादेश जारी गरी स्थापना गरिएको यस डेस्कको प्रमुख उद्देश्य नेपाल प्रहरीमा कार्यरत आधारभूत तहका प्रहरी कर्मचारीहरूको पेसागत तथा सेवागत जीवनलाई थप सुरक्षित, सम्मानित, मर्यादित र न्यायोचित बनाउनु रहेको छ।
सम्बोधनका क्रममा प्रहरी महानिरीक्षकज्यूले आधारभूत तहका प्रहरी कर्मचारीले भोग्नुपरेका समस्या, कठिनाइ, असमान व्यवहार, विभेद तथा विविध गुनासाहरूको निष्पक्ष सुनुवाइ गरी समयमै उचित सम्बोधन गर्ने प्रभावकारी संयन्त्रका रूपमा काम गर्न डेस्कमा खटिएका प्रहरी अधिकारीहरूलाई निर्देशन दिनुभएको थियो।
डेस्कमार्फत तल्लो तहका प्रहरी कर्मचारीले आफ्ना समस्या सिधै शीर्ष नेतृत्वसमक्ष राख्न पाउने र त्यसको व्यवस्थित सुनुवाइ हुने अपेक्षा गरिएको छ।

प्रतिक्रिया

सम्बन्धित खवर

ताजा समाचार

लोकप्रिय

सम्पर्क जानकारी
Surakshya Rastriya Dainik Media Pvt. Ltd. | दर्ता नं.: 4290-2080/2081 | Banke | +977 9768462390 | surakshyarastriyadainik@gmail.com | विज्ञापन: marketing@surakshyarastriyadainik.com
हाम्रो टोली
प्रधान सम्पादक
सुरेश शाही
अध्यक्ष
सुर्य तिवारी
प्रमुख कार्यकारी
अपडेट हुँदै छ...
सम्पादक
अपडेट हुँदै छ...
निर्देशक
अपडेट हुँदै छ...
Copyright © 2026 Surakshyarastriyadainik Media Pvt. Ltd. All Rights Reserved.
Design & Developed by: E-Imagine Infotech