कोहलपुर, बाँके ।आज दिउँसो करिब ३ बजेतिर बाँके जिल्ला कोहलपुर नगरपालिका–१४ हवल्दारपुरमा अबैध भन्सार छलिएको सामग्री बरामद भएको छ ।
ईलाका प्रहरी कार्यालय कोहलपुरका अनुसार कोहलपुर–१४ घर भइ हाल कोहलपुर–९ बस्ने जसिराम रावलले भाडामा सटर लिएर गोदाम सञ्चालन गर्दै आएका थिए । प्रहरीलाई प्राप्त सूचनाका आधारमा गरिएको निगरानीका क्रममा क प्र ०२–००१ ख ०६०३ नम्बरको ट्रकमा चिनी, सिमीको दाल, सनफलावर बिडी र टुक लोड गरिरहेको अवस्थामा एक जना व्यक्तिलाई नियन्त्रणमा लिइएको प्रहरीले जनाएको छ ।
बरामद गरिएको समान तथा सवारीसाधनको कुल मूल्य करिब २१ लाख ७८ हजार ४ सय रुपैयाँ रहेको बताइएको छ । बरामद सबै सामग्री र नियन्त्रणमा लिइएको व्यक्तिलाई आवश्यक कारबाहीका लागि भन्सार कार्यालयमा बुझाइएको छ ।
ईलाका प्रहरी कार्यालय कोहलपुरका प्रमुख डिएसपी लक्ष्मी खनालले यसअघि पनि यस्ता अबैध भन्सार छलीका घटना बढिरहेको बताउँदै निरन्तर निगरानी र कारबाही भइरहेका बताएका छन् ।
