काठमाडौं। इन्टरपोलको रेड नोटिसमा परेकी फरार प्रतिवादीलाई युएईबाट पक्राउ गरी नेपाल ल्याइएको छ।
ठगी मुद्दामा संलग्न रहेकी रूपन्देही, बुटवल उपमहानगरपालिका–१ घर भएकी सरिता घर्ती मगरलाई अन्तर्राष्ट्रिय प्रहरी संगठन (इन्टरपोल) को सहयोगमा पक्राउ गरी नेपाल ल्याइएको हो।
नेपाल प्रहरीका अनुसार घर्ती मगरविरुद्ध २०८० माघ १ गते इन्टरपोल महासचिवालयमार्फत रेड नोटिस जारी गरिएको थियो। एनसिबि काठमाडौंको अनुरोधपछि अन्तर्राष्ट्रिय स्तरमा खोजतलास तथा पक्राउ प्रक्रिया अघि बढाइएको थियो।
नेपाल फर्काइएकी उनलाई आवश्यक अनुसन्धान र कानुनी कारबाहीका लागि सुनसरीस्थित इलाका प्रहरी कार्यालय इटहरी बुझाइने प्रहरीले जनाएको छ।
