कपिलवस्तु – कपिलवस्तुको शिवराज नगरपालिका–१ उमरिचोकस्थित पूर्व–पश्चिम राजमार्गमा आज बिहान यात्रुवाहक बस दुर्घटना भएको छ।
काठमाडौँबाट नेपालगञ्जतर्फ जाँदै गरेको ग १ ख ९७०० नम्बरको बस अनियन्त्रित भई सडकको बायाँ साइडमा पल्टिँदा ३५ मध्ये १० जना यात्रु घाइते भएको जिल्ला प्रहरी कार्यालय कपिलवस्तुले जनाएको छ।
घाइतेहरुलाई तत्काल उद्धार गरी चन्द्रौटास्थित सञ्जिवनी अस्पतालमा उपचारका लागि पठाइएको छ। प्रहरीले बस दुर्घटनाको कारण अनुसन्धान भइरहेको जनाएको छ।
प्रारम्भिक जानकारीअनुसार चालकको लापरबाही वा प्राविधिक समस्या हुँदा बस अनियन्त्रित भएको हुन सक्ने आशंका गरिएको छ।
