रोल्पा। रोल्पा नगरपालिका–६ कोटगाउँमा बमजस्तो देखिने एक शंकास्पद वस्तु नेपाली सेनाले सुरक्षित रूपमा डिस्पोज गरेको छ।
स्थानीयले शुक्रबार दिउँसो बारीमा ढुंगा निकाल्ने क्रममा सकेट बमजस्तो देखिने वस्तु फेला पारेका थिए। घटनाको जानकारी पाएपछि नेपाली सेनाको सूर्यदल गणबाट बम डिस्पोजल (बि.डी.) टिमसहितको टोली घटनास्थलमा खटिएको थियो।
सेनाको टोलीले शंकास्पद वस्तुलाई आवश्यक प्रक्रिया पूरा गरी सुरक्षित रूपमा निस्क्रिय (डिस्पोज) गरेको जनाएको छ।
सुरक्षा निकायका अनुसार घटनास्थल वरिपरि थप कुनै जोखिम नरहेको र अहिले अवस्था सामान्य रहेको बताइएको छ।
