काठमाडौं।
गृहमन्त्री ओम प्रकाश अर्यालले शान्ति सुरक्षा व्यवस्थासम्बन्धी समग्र मूल्यांकन र आवश्यक निर्देशिका तयार गर्न आज दिउँसो केन्द्रीय सुरक्षा समितिको बैठक बोलाएका छन्। बैठक दिउँसो ३ बजे गृह मन्त्रालयमा बस्नेछ।
गृहमन्त्रालयका अनुसार हालको सुरक्षा चुनौती, संवेदनशील घटनाका अपडेट र आगामी दिनमा सरकारका सुरक्षा प्राथमिकताबारे गहिरो छलफल गर्न बैठक आह्वान गरिएको हो।
बैठकमा गृह मन्त्रालयका सचिव, नेपाली सेनाका एक जना रथी, नेपाल प्रहरीका महानिरीक्षक, सशस्त्र प्रहरीका महानिरीक्षक, राष्ट्रिय अनुसन्धान विभाग (NID) का प्रमुख तथा मन्त्रालयअन्तर्गतको शान्ति सुरक्षा महाशाखाका प्रमुख सहित उच्चस्तरीय सुरक्षा अधिकारीहरू सहभागी हुनेछन्।
यस बैठकबाट देशभरको सुरक्षा संयन्त्रलाई थप प्रभावकारी बनाउन आवश्यक निर्देशन र समन्वय रणनीति तय हुने अपेक्षा गरिएको छ।
