रुपन्देही — बागलुङ निसीखोला गाउँपालिका–६का ३२ वर्षीय विजय (वीरबहादुर) कुँवर श्रीमतीको हत्या आरोपमा रुपन्देहीको बुटवल बसपार्कबाट पक्राउ परेका छन्। घटनापछि फरार रहेका उनलाई प्रहरीले विभिन्न सूचनाका आधारमा खोजी तीव्र पार्दै कार्तिक २८ गते साँझ ६ बजे लुकिछिपी भाग्ने तयारीमा रहेको अवस्थामा पक्राउ गरेको जिल्ला प्रहरी कार्यालय रुपन्देहीले जनाएको छ।
पक्राउ परेका कुँवरलाई नियन्त्रणमा लिएर आवश्यक कानुनी प्रक्रिया र विस्तृत अनुसन्धान अघि बढाइएको प्रहरीले जनाएको छ।
