कोहलपुर ।  विदेश अध्ययनको क्षेत्रमा उत्कृष्ट सेवा प्रदान गर्दै आएको प्रसिद्ध अब्रोड स्टडी कन्सल्टेन्सीले अप्रिल इन्टेकका विद्यार्थीहरूका लागि ‘Farewell & Welcome Programme 2026’ भव्य रूपमा आयोजना गरेको छ। उक्त कार्यक्रम जापान जान लागेका भिसा ग्यारेन्टेड विद्यार्थीहरूलाई सम्मानसहित विदाई र नयाँ विद्यार्थीहरूलाई स्वागत गर्ने उद्देश्यले सम्पन्न भएको हो।
कार्यक्रमको प्रमुख अतिथि डाइमण्ड स्टार इंग्लिश मिडियम स्कूल, चप्परगौडीका प्रिन्सिपल तिमोथी ताम्राकार हुनुहुन्थ्यो। कार्यक्रममा विभिन्न क्षेत्रका अतिथिहरू, अभिभावक, पत्रकार तथा विद्यार्थीहरूको उल्लेखनीय उपस्थिति रहेको थियो।
विद्यार्थीहरूको उत्साह बढाउन सांस्कृतिक प्रस्तुति प्रस्तुत गरिएको थियो। अतिथिहरूलाई खादा र माला लगाएर सम्मान गरिएको भने जापान जान लागेका विद्यार्थीहरूलाई मायाको चिनो स्वरूप कप प्रदान गर्दै विदाई गरिएको थियो।
प्रमुख अतिथि तिमोथी ताम्राकारले मन्तव्य दिँदै भने, “जापान जस्तो अनुशासित र विकसित देशमा अध्ययन गर्ने अवसरलाई पूर्ण रूपमा सदुपयोग गर्नुपर्छ। त्यहाँ सिकेको ज्ञान, सीप र अनुभवले जीवनलाई नयाँ दिशा दिन्छ।”
कार्यक्रमका आयोजक तथा कन्सल्टेन्सीका प्रबन्ध निर्देशक एसबि बुढाले भने, “हामीले सधैं विद्यार्थीहरूको उज्ज्वल भविष्यलाई केन्द्रमा राखेर सेवा प्रदान गर्दै आएका छौं। उच्च भिसा सफलता दर हाम्रो निरन्तर मेहनत, अनुभव र विश्वासको परिणाम हो। आगामी दिनमा अझ प्रभावकारी सेवा प्रदान गर्ने हाम्रो प्रतिबद्धता अटल छ।”
उक्त कार्यक्रममा सहभागी अभिभावकहरूले कन्सल्टेन्सीप्रति आफ्नो विश्वास व्यक्त गर्दै आफ्ना सन्तानको उज्ज्वल भविष्यको कामना गरे। पत्रकार तथा सरोकारवालाहरूको सक्रिय उपस्थितिले पनि कार्यक्रमको महत्व बढाएको थियो।
समग्रमा, ‘Farewell & Welcome Programme 2026’ ले अप्रिल इन्टेकका विद्यार्थीहरूलाई उत्साहजनक विदाई र नयाँ विद्यार्थीहरूलाई प्रेरणादायी स्वागत प्रदान गरेको देखिएको छ। कोहलपुरमै स्थापित र विश्वासिलो कन्सल्टेन्सीको रूपमा प्रसिद्ध अब्रोड स्टडी कन्सल्टेन्सीले पुनः आफ्नो उत्कृष्टता र सेवा प्रतिबद्धता प्रस्तुत गरेको छ, जसले विद्यार्थीहरू र अभिभावकहरूबीच आफ्नो विश्वासिलो पहिचान अझ बलियो बनाएको छ।

केही फोटो हरु-👇️