०८ फागुन २०८२ नेपालगञ्ज, बाँके ;- जिल्ला शिक्षा समन्वय इकाइ बाँकेले सिम्बोल नम्बर कायम भइसकेको जानकारी दिँदै सम्पूर्ण माध्यमिक विद्यालयहरूलाई प्रवेश पत्र लिनका लागि यथाशीघ्र इकाइमा सम्पर्क गर्न आग्रह गरेको छ।
इकाइद्वारा प्रकाशित सूचनामा उल्लेख भएअनुसार सम्बन्धित विद्यालयहरूले आफ्ना विद्यार्थीहरूको प्रवेश पत्र समयमै बुझी आवश्यक व्यवस्थापन गर्नुपर्ने बताइएको छ। परीक्षा सम्बन्धी सम्पूर्ण तयारी अन्तिम चरणमा पुगेको जनाउँदै इकाइले ढिलाइ नगर्न सबै विद्यालयलाई सचेत गराएको छ।
जिल्ला शिक्षा समन्वय इकाइ बाँकेले परीक्षा सञ्चालन कार्यतालिका अनुसार नै अघि बढ्ने जानकारी दिँदै विद्यालय प्रशासनलाई आवश्यक समन्वय र सहकार्य गर्न अनुरोध गरेको छ। साथै, प्रवेश पत्र वितरण प्रक्रियामा कुनै समस्या वा जिज्ञासा भएमा सिधै इकाइमा सम्पर्क गर्न सकिने जनाइएको छ।
शिक्षा बिकास तथा समन्वय इकाई को प्रकासित सूचनासँगै जिल्लाभरका माध्यमिक विद्यालयहरूमा परीक्षा तयारी तीव्र बनाइएको छ।
