काठमाडौं । सरकारले नेपाल प्रहरीका ८ जना प्रहरी अतिरिक्त महानिरीक्षक (एआईजी) को सरुवा गर्ने निर्णय गरेको छ।
बिहीबार बसेको मन्त्रिपरिषद् बैठकले ८ जना एआईजीलाई विभिन्न जिम्मेवारीमा सरुवा गर्ने निर्णय गरेको हो।
सरकारका प्रवक्ता तथा शिक्षा तथा खेलकुदमन्त्री सस्मित पोखरेलले मन्त्रिपरिषद्का निर्णय सार्वजनिक गर्दै नेपाल प्रहरीमा कार्यरत ८ जना प्रहरी अतिरिक्त महानिरीक्षकहरूको सरुवा गरिएको जानकारी दिए।
“नेपाल प्रहरीमा कार्यरत आठ जना प्रहरी अतिरिक्त महानिरीक्षकहरूलाई सरुवा गर्ने निर्णय गरिएको छ,” प्रवक्ता पोखरेलले भने।
सरुवा भएका एआईजीहरूको नामावली र नयाँ जिम्मेवारी भने सरकारले हालसम्म सार्वजनिक गरेको छैन। विस्तृत विवरण सार्वजनिक भएपछि थप जानकारी आउने अपेक्षा गरिएको छ।
