नेपालगञ्ज । रोटरी क्लब अफ सेन्ट्रल बाँकेले रोटरी वर्ष २०२६/२७ का लागि नयाँ नेतृत्व चयन गर्दै ६औँ पदस्थापन समारोह सम्पन्न गरेको छ। समारोहमा रोटरियन ईश्वरी जंग मल्ल ठकुरी अध्यक्षमा पदस्थापित हुनुभएको हो। क्लबको नेतृत्व विवरण पनि जिल्ला ३२९२ को अभिलेखसँग मेल खान्छ।
समारोहमा निवर्तमान अध्यक्ष रोटरियन गंगा राम चौलागाईंले क्लबको चार्टर र ग्याभेल हस्तान्तरण गर्दै नयाँ कार्यसमितिलाई औपचारिक रूपमा जिम्मेवारी सुम्पिनुभयो। कार्यक्रममा रोटरीका अग्रज, स्थानीय विशिष्ट व्यक्तित्व तथा क्लबका सदस्यहरूको उल्लेख्य उपस्थिति रहेको थियो।
सन् २०२० मा चार्टर प्रेसिडेन्ट रोटरियन डा. कुमार शान शाहको नेतृत्वमा स्थापना भएको क्लबले शिक्षा, साक्षरता, स्वास्थ्य, खानेपानी तथा सरसफाइजस्ता क्षेत्रमा विगत ६ वर्षदेखि निरन्तर सामाजिक सेवा गर्दै आएको उल्लेख गरिएको छ। रोटरीको नयाँ वर्षको अन्तर्राष्ट्रिय मूल नारासमेत “Create Lasting Impact” रहेको छ।
नवनिर्वाचित अध्यक्ष ठकुरीले बाँके, बर्दिया र आसपासका ग्रामीण तथा विपन्न समुदायलाई लक्षित गर्दै दीर्घकालीन प्रभाव पार्ने सामाजिक कार्यक्रम सञ्चालन गरिने बताउनुभयो। उहाँले सदस्यता विस्तारसँगै क्लबका पाँच स्थायी समितिलाई थप सक्रिय बनाइने जानकारी दिनुभयो।
नयाँ कार्यसमितिमा उदय चन्द्र पौडेल सचिव, बिमल कुमार काकी कोषाध्यक्ष, मोहबिर खड्का क्लब प्रशासन प्रमुख, किशोर कृष्ण भण्डारी परियोजना प्रमुख, दिनेश शाह द रोटरी फाउन्डेसन प्रमुख, विधान न्यौपाने पब्लिक इमेज प्रमुख तथा विष्णुप्रसाद पोखरेल सदस्यता प्रमुखमा चयन हुनुभएको छ।
समारोहमा क्लबको संस्थागत विकास र मार्गदर्शनका लागि काउन्सिल अफ पास्ट प्रेसिडेन्ट्स गठन गरिएको घोषणा गरिएको छ। साथै, युवा पुस्तामा नेतृत्व र सेवाभाव विकास गर्ने उद्देश्यले इन्टर्याक्ट क्लब तथा रोटा किड्स को समेत पदस्थापन गरिएको क्लबले छ।
सोही अवसरमा सामाजिक सेवामा उत्कृष्ट योगदान पुर्याएको भन्दै रोटरियन किशोर कृष्ण भण्डारीलाई सम्मान गरिएको थियो। नयाँ सदस्यहरू अभिनीत सिंह, दिपेन्द्र खड्का, मनिष मण्डल, श्याम प्रसाद धमला र चक्र गिरीलाई रोटरी पिन प्रदान गर्दै क्लबमा स्वागत गरिएको थियो।
कार्यक्रमको समापन रात्रिभोजसहितको भाइचारा कार्यक्रमसँगै भएको थियो। उक्त अवसरमा आगामी वर्ष सञ्चालन गरिने सामाजिक परियोजना, राष्ट्रिय तथा अन्तर्राष्ट्रिय अनुदान कार्यक्रम र क्लबको कार्ययोजनाबारे छलफल गरिएको क्लबले जनाएको छ।
