बाँके । बाँकेको कोहलपुरबाट प्रहरीले लागूऔषध ब्राउन सुगरसहित एक युवकलाई पक्राउ गरेको छ।
प्रहरी प्रधान कार्यालयका अनुसार कोहलपुर नगरपालिका–४ गुवा गाउँबाट अवैध लागूऔषध ३ सय ८० मिलिग्राम ब्राउन सुगरसहित स्थानीय १९ वर्षीय राजीप थारू पक्राउ परेका हुन्।
इलाका प्रहरी कार्यालय कोहलपुरबाट खटिएको प्रहरी टोलीले थारूलाई उक्त लागूऔषधसहित नियन्त्रणमा लिएको प्रहरीले जनाएको छ।
सोमबार पक्राउ परेका थारूमाथि लागूऔषध कारोबार तथा ओसारपसारसम्बन्धी घटनाबारे कोहलपुर प्रहरीले थप अनुसन्धान गरिरहेको प्रहरी प्रधान कार्यालयले जनाएको छ।