नेपालगञ्ज । लागुऔषध नियन्त्रण ब्यूरो शाखा कार्यालय, नेपालगञ्जबाट खटिएको प्रहरी टोलीले १३.६० ग्राम खैरो हेरोइनसहित तीन जनालाई पक्राउ गरेको छ।
प्रहरीले नेपालगञ्ज क्षेत्रमा लागुऔषध ओसारपसार तथा कारोबार भइरहेको सूचनाका आधारमा निगरानी बढाउने क्रममा उनीहरूलाई पक्राउ गरेको जनाएको छ। पक्राउ परेकाहरूको साथबाट खैरो हेरोइन बरामद गरिएको प्रहरीको भनाइ छ।
पक्राउ परेका तीनै जनालाई आवश्यक अनुसन्धान तथा कानुनी कारबाहीका लागि सम्बन्धित प्रहरी कार्यालयमा बुझाइएको छ। उनीहरू लागुऔषध कारोबारमा संलग्न रहेको विषयमा प्रहरीले थप अनुसन्धान गरिरहेको जनाएको छ।
प्रहरीले नेपालगञ्ज तथा आसपासका क्षेत्रमा लागुऔषध नियन्त्रण अभियानलाई थप प्रभावकारी बनाउँदै शंकास्पद गतिविधिमाथि निगरानी बढाएको जनाएको छ। पछिल्लो समय बाँके हुँदै हुने लागुऔषध ओसारपसार नियन्त्रणका लागि प्रहरी तथा लागुऔषध नियन्त्रण ब्यूरोले निगरानी र कारबाही तीव्र बनाउँदै आएको छ।
