काठमाडौं । जेनजी आन्दोलनका क्रममा गत भदौ २४ गते फरार भएका एक कैदी पुनः पक्राउ परेका छन्।
जिल्ला प्रहरी कार्यालय रामेछापले विक्रम भुजेललाई पुनः नियन्त्रणमा लिएको जनाएको छ। उनी रामेछाप नगरपालिका–१ क्षेत्रमा लुकिछिपी बसेको अवस्थामा पक्राउ परेका हुन्।
जिल्ला प्रहरी कार्यालय रामेछापका प्रहरी निरीक्षक राजनप्रसाद तिम्सिनाका अनुसार भुजेलमाथि फरक क्षमता भएकी एक महिलामाथि जबरजस्ती करणी गरेको आरोप छ।
प्रहरीका अनुसार गत वैशाख ३१ गते ती महिलामाथि जबरजस्ती करणी भएको सूचना स्थानीयवासीमार्फत प्रहरीसम्म पुगेको थियो। घटनापछि भुजेल फरार रहेका थिए।
पक्राउपछि उनलाई हिरासतमा राखेर थप अनुसन्धान अघि बढाइएको प्रहरीले जनाएको छ। अनुसन्धानका लागि जिल्ला अदालतबाट सात दिनको म्यादसमेत लिइएको प्रहरी निरीक्षक तिम्सिनाले जानकारी दिए।