नेपालगन्ज । वडा प्रहरी कार्यालय नेपालगन्जले हराएको ल्यापटप फेला पारेर सम्बन्धित धनिलाई जिम्मा लगाएको छ।
गत वैशाख १० गते नेपालगन्ज उपमहानगरपालिका–२२ निवासी बिर पुनको डेल कम्पनीको कालो रङको ल्यापटप हराएको भन्दै नेपाल प्रहरी एप्समार्फत निवेदन परेको थियो।
निवेदन प्राप्त भएपछि वडा प्रहरी कार्यालय नेपालगन्जले खोजतलासलाई तीव्रता दिएको थियो। प्रहरीले खोजी गर्ने क्रममा हराएको ल्यापटप फेला पारी आज सम्बन्धित धनिलाई जिम्मा लगाएको जनाएको छ।
प्रहरीले नागरिकलाई आफ्ना सामान हराएमा तत्काल प्रहरीमा जानकारी गराउन अनुरोध समेत गरेको छ।
