ललितपुर।ललितपुरको बालकुमारी क्षेत्रमा लागुऔषध कारोबारीलाई नियन्त्रणमा लिन प्रहरीले गोली चलाएको छ।
प्रहरीको लागुऔषध नियन्त्रण ब्युरोले विशेष अपरेसन सञ्चालन गर्दै संदिग्ध लागुऔषध कारोबारीलाई पक्राउ गर्ने क्रममा एक राउन्ड गोली प्रहार गरेको हो।
प्रहरी स्रोतका अनुसार उक्त कारबाहीका क्रममा तीन जना लागुऔषध कारोबारी पक्राउ परेका छन्। पक्राउ परेकाहरूको परिचय तथा बरामद गरिएका सामग्रीबारे भने हालसम्म विस्तृत विवरण सार्वजनिक गरिएको छैन।
घटनाका क्रममा कोही घाइते भए वा नभएको विषयमा पनि प्रहरीले औपचारिक जानकारी दिएको छैन।
प्रहरीले घटनाबारे थप अनुसन्धान अघि बढाएको जनाएको छ।
